سماح من الحمامات قام بكتابة:
عااااجل ‼️‼️‼️ السلام عليكم . انا مرا من الحمامات نحب الحيوانات ، عندي فطوسة تعز عليا برشا مرضت بقراجمها غلط وعطيتها دواء الصغار upfen وهو للأسف ممنوع على القطاطس.. دواها الطبيب على قراجمها أما مسكينة قعدت اعصابها مشلولة من هاكا الدواء. وكبدتها تسممت ولات لا تاقف لا تأكل لا تنجم حتى تشرب الماء تجوع تحب تاكل تطيح بكلها في الصحن متاع ماكلتها فمها ما يتحلش وما تنجمش تهز الماكلة..كل شيء نعطيهولها بالزريقة الماء والحليب ونرحيلها البرودو ...وهي متعذبة مسكينة وتخبش فيا بارشة على خاطر ما تتحكمي في ساقيها، تولي تستعمل ضوافرها ...والله عذاب . البارح كانت عندي حصة hypnose مع مدام ملاك قلت نفرغ قلبي نحكيلها الحكاية الحقيقة الاحساس بالذنب تعبني ....ووريتهالها كيفاش ما تتحركش من بلاصتها ...مدام ملاك زادة تحب الحيوانات وتأثرت برشا واقترح عليا علاج بالطاقة للقطوسة وانا فرحت على خاطر عندي ثقة فيها وعندي تجربة علاجية معاها . وسبحان الله قامت تدور ..مازال عندها شوييية ترهويج وعطيتها شوية دجاج وسلامي مسكينة من الجوع والفرحة هزتهم تجري من الصحفة وهربت بيمه فوق الtapie بحذا الحيط ..ههههههخايفة لا نفكلها ههههه. مازالت تفترش في الماكلة وتاكل بصعوبة شوية كيما تراو في الفيديو ..أما الحمدلله والشكر لله عندها جمعة ما تحركش فمها مسكينة . الحمدلله والشكر لله للكوتش ملاك العبيدي ...فعلا اسم على مسمى . فرحتني برشا كوتش ربي يفرح قلبك

سميرة من جربة قام بكتابة:
السلام عليكم. بدأت العلاج مع كوتش ملاك منذ مدة... ومؤخرا قمنا بحصص حول الوفرة المالية. وسبحان الله، بدأت الاوضاع تتحرك . .. °الاسبوع الأول استقبلت بعض الحرفاء ، بعد اسابيع غياب وأسف... °الاسبوع الثاني ،حركة ونشاطات مهمة في المكتب. °الاسبوع الثالث، تحصلت على صفقة عمل من أجمل ما يكون والحمد لله. أشعر بتحرير الطاقات المالية والمهنية من خلال الهيبنوز. الحمد لله. وأنصح كل الناس بتحرير هذه الطاقات. 😍

عفيفة سوسة قام بكتابة:
بدأني الخوف من اللي عمري 10 سنوات،توفى بابا وبعد سنة توفات امي. وبظأ مشوار الألم في حياتي على بكري... وبقيت وحدي ، برش ناس رباووني، العم والخال وبنت الخالة والجيران... كنت ديمه خايقه لواحد منهم يغضب عليا ويطردني ونولي في الشارع. الخوف غزى حياتي. ورغم اني نجحت في قرايتي ولكن لا نجمت ننجح في علاقه ولا في خدمة ولا مع روحي. نحس روحي داخله بعضي. هاك علاش اتصلت بيك كوتش ملاك. ونشكرك، لانك كيفما تقول انتِ: "ساعدتني على ترويض افكاري ومشاعري" بكوتشيغ مرافقة وبحصص علاج بالطاقة وحصص تفريغ الم الماضي زاد،ياسر هايلين. الحقيقة ارتحت برش وماعادش نحس الخوف كيما قبل. وللعلم، يبدو انني دخلت في علاقة جدية مع شخص مناسب، ان شاء الله. حاصيلو يا كوتش،من الللي عرفت،طاقة حياتي تغيرت. الله يخليك ويسترك.

فاطمة من صفاقس قام بكتابة:
أنا عندي قطوس النفاس من 3 سنوات ونستعمل في dépakine وديم مريضة وحياتي مقلوبه. وقمت بحصص علاج بالطاقة مع كوتش ملاك ومن الحصة الاولى شعرت باوجاع في جسمي الكل وبعد الحصة الثانية تحسنت برش والكل لاحضوا عليا التغير إلى الاحسن. وحاليا مازلت نواصل في الحصص مع الكوتش لمواصلة علاج مخلفات الاصابة بقصوس النفاس ( آلام في البطن خاصة) والحمد لله.

امال من تونس قام بكتابة:
السلام عليكم. أنا امال من تونس آمس كوتش ملاك جاتني في داري في المرسى وعملت لي تنظيف طاقة منزلي ولطاقتي. وقعدت معايا تقريبا 2ساعات الحقيقة،في الأول ما حسيت بشيء ولكن في الليل رقدت بالباهي ، عندي شهور ما شبعتش بالنوم هكّ. وحلمت حلمة جميلة جداً🥰 والدار نحسها ولات خفيفة وطاقتها إيجابية بعد ما كنت ديم فاده ومقلقة داخلها. وصغاري ديم يعيطوا. البارح الدنيا كانت هاااااديه وساكته في الدار!!! سبحان الله♥️ لاحظت من آمس لليوم تغيير كبير.سبحان الله. رغم اني ماكنتش نامن برش بالطاقة إما اللي صار غيرلي افكاري. شكرا كوتش.

د.محمد من نابل قام بكتابة:
السلام عليكم. أنا محمد. من نابل. اعمل في الصحة العمومية. مررت باكتآب حاد إثر طلاقي وبعدي على أولادي. أكيد اني قمت بعلاج بأدوية ضد الاكتآب ومع زملاء مختصين. لكن أرتاح قليلاً ثم يرجع الألم وقلة النوم والحزن. التجأت العلاج بالطاقة مع كوتش ملاك وللتأملات أيظا.وبالمناسبة أشكرها كثيرا. التعديل الطاقي سمعت عليه وحبيت نجربو وفعلا حسيت بخفة وراحة وانفراج وخاصة قبلت وضعيتي الجديدة ومساعدة لانطلاقة جديدة في حياتي. طمأنينة،راحة،انشراح. حاصيلو كوتش بارك الله فيه. وهذه شهادتي في حقك. 🙏

محمد من ايطاليا قام بكتابة:
كوتش ملاك،انت تستاهل كل خير 🤝أنا تونسي نعيش في ايطاليا وكان عندي خوف كبير و من كل شيء . وهذا بدالي من كوفيد 2020. شفت طبيب في ايطاليا وخذيت دوايات وما تصلح شيء نصحوني صحابي بمدام ملاك. وعملت حصص مع الكوتش فهمتني فيهم كفاش نتعامل مع أفكاري ومشاعري السلبية المسيطرين على حياتي، لا انجم نخدم ولا عاد حاسس بللي دايرين بي. ونصحتني الكوتش بتأملات وبحصص علاج بالطاقة عن بعد. وبعد حصص، والله ما صدقتش يوم اني ممكن نبرأ من اللي أنا فيه، ديم مرعوب ومقلق وافكاري مسيطره عليا. سبحان الله. تو نحس روحي عبد آخر،رجعلي توازني وراحتي ورجعت نأكل ونتطعم الماكله وحتى عائلتي ما كنتش حاسس بوجودهم. رجعت نعيش معاهم. كل الشكر يا كوتش.كل الشكر. ونهديلك تذكرة سفر كتعبير مني على كل الامتنان 🌄

سلوى من صفاقس قام بكتابة:
عسلامة. أنا استاذة تعليم ثانوي، أشكو من آلام في كامل جسدي وخاصة بالمناكب والسبب هو ستراس البيت والعمل والشارع... يوميا. قمت مع كوتش ملاك بحصة اولى علاج بالطاقة. واليوم موعد الحصة الثانية. بعد الحصة الأولى، شعرت بتغير واضح. أصبحت أشعر براحة نفسية وهدوء في صدري وقلبي. آلام جسدي لم أعد اجدها، واشعر انني اتجاوز بسرعة التعب والارق. اصبحت انشط، ومنسوب طاقتي الايجابية في جسدي ارتفع وصحتي احسن. الحمد لله، وين كنا ووين صبحنا شكرا 😍

زينب قام بكتابة:
بعد حصة الطاقة الأولى: حسيت بروحي جريئة، ماعادش نحشم كيف العادة. وليت indifférente حسيت بأكثر تركيز ، كأن بلوكاج في مخي تنح.ومخي ولا خفيف. نحس روحي وليت نسمع روحي كيف نتكلم . وليت مركزة على الاشياء حوالي وعلى الحاضر . حسيت روحي ماعادش نفكر في الناس اللي قلقوني في الماضي ماجاوش في مخي جيتك على خاطر فادة و déprimée ،وانحس بالخوف من أشخاص معينة ضروني نفسيا. تو ماعادش نحسهم في مخي ونحب نعمل حصص تفريغ مشاعر سلبية بش ماعادش نتقلق من كلامهم وليت حساسة أكثر في علاقتي بروحي. الحمد لله

حسناء من جربة قام بكتابة:
السلام ورحمة الله ، مرة أخرى نقول ونؤكد على تحسن وضعيتي من اول ما بديت العلاج وسبحان الله العلي انتفاضة على مستوى الكتفين ومستوى المعده الي في كل حصه تخرج منها أصوات غريبة عن طريق الفم سبحان الله وهذا نقص النفاخ الي كان فيها وزيد سبحان ربي الأعلى كانت ثما حاجة في حلقي تمنع مرور الماء، اي الماء، الغريب يتعدى لكن الماء يتعدى بصعوبة وحتى ما نقدرش نشرب كيف ما نحب، وبعد الحصص الي عملناها اكتشفت انو الماء رجع يتعدى بسلاسة للأمانة ويشهد المولى انو الي نقول فيه صحيح وحسن من حالي ونفسيتي كتير وتغيرات في الخير وليت نلاحظ فيها، وهو مالو الا شهاده حق واعتراف بنجاعة ونيتك في العلاج الطاقي الله يبارك في عملك وفي علمك وفي نورك ويزيدك من فضله الكثير والله يحفظك وينجيك من الاذى ويا رب تسامحيني على التعب الي صارلك من جراء حالتي أثناء وبعد العلاج الله يباركلك، امين

محمد من بنزرت قام بكتابة:
اهلا كوتش ملاك. نحب نشكرك قبل كل شيء👌. انا شاب عمري 26 سنة، مهندس بشركة خاصة. كنت اعاني من اكتآب حاد منذ سنين، أثر علي واصبحت عاجز جنسيا، ودائم الوحدة والعزلة والقلق. الضغط والتوتر في الدراسة والعمل وبعض الاصدقاء، عاونوني بش نتعلم الزطلة ونستهلكها للأسف. كنت في وضعية صعبة. مشيت للطبيب النفسي وخذيت دوايات. لكن نرتاح مدة ونرجع للوضعية نفسها: قلق، توتر وزطلة بش مخي يرتاح. ولكن ما يحبش يرتاح وبالعكس يزيد يتعب بالافكار السلبية والسوداوية. المهم،اني وجدتك على النات وانا ايحث على كوتش. وقلا: هذا بش يكون آخر حل! وفعلا! شكرا كوتش على المساعدة، كوتشينغ ونصائح وتوجيهات عاونتني كثيرا. بطلت الزطلة بفضلك وبالعلاج بالطاقة وحصص المرافقة. حياتي تغيرت 180% حاجة اخرى 😍، تعرفت على انسانة، اشعر بالراحة معها وقريبا تسمع علينا حاجه باهية 💍❤️ شكرا هذه شهادة لا تعبّر الاّ قليلا على ما أشعر به بفضلك كوتش. الحمد لله.

رباب صفاقس قام بكتابة:
بعد حصة الطاقة الاولى: حسيت بروحي جريءة، ماعادش نحشم كيف العادة. وليت indifférente حسيت باكثر تركيز،كأن بلوكاج في مخي تنحّ.ومخي ولّ خفيف. نحس روحي وليت نسمع روحي كيف نتكلم. وليت مركزة على الاشياء حوالي وعلى الحاضر. حسيت روحي ما عادش نفكر في الناس اللي قلقوني في الماضي ماجاوش في مخي. جيتك على خاطر فاده و déprimée ، وانحس بالخوف من اشخاص معينة ضروني نفسيا. تو ما عادش نحسهم في مخي. و نحب نعمل حصص تفريغ مشاعر سلبية بش ماعادش نتقلق من كلامهم. وليت حساسة اكثر في علاقتي بروحي. الحمد لله

Mohamed قام بكتابة:
سيدتي و مدربتي العزيزة ملاك: أكتب إليك هذه الرسالة لأقدم لك كل الشكر و الإمتنان و هذا أقل ما يمكن أن أقدمه إليك... لقد أذكر ذلك اليوم الذي جئت إلى مكتبك لأول مرة، والذي أراه اليوم أنه كان يوما فارقا في حياتي...لقد طرقت باب السير و الإقبال في الحياة بعد أن كنت في يأس و حالة يرثى لها، قد أصدمك عندما أقول لك اليوم أنني فكرت في يوما ما في الإنتحار عندما بلغت أقصى درجات اليأس و الإحباط ،لم أكن أصدق أنني سأنهض أو أنجح أو أقبل على الحياة، خاصة و أنني زرت من قبل العديد من الأخصائيين النفسانين و لكن بدون جدوى ! بعض المهدئات و المسكنات ثم أعود و أبقى في نفس الحالة. ولكن الحمد لله ، جاء ذلك اليوم الفارق الذي قدمت فيه إلى مكتبك لأول مرة. لازلت أذكر كلماتك الأولى عندما قلتي لي وتحديدا بالفرنسية : ولدي tu es à la bonne adresse و فعلا، لقد كانت أول بوادر الإنفراج حين بدأت حصص علاج بالطاقة ، و بدأت أحس بشيء ما ينبض في نفسي، بدأت أحس بالراحة النفسية والثقة بالنفس، نعم لقد أحسست أني أقدر أن أنجح، لقد أحسست بالقوة النفسية، لقد لاحظت التغير حتى في محيطي، وأصبحت متحكما في مشاعري بكل ثقة و قوة حتى أصبحت اليوم أرى في نفسي ذلك الجبل الذي لا يهتز. لقد كنت أخبرك بالتغير الحاصل في كل حصة و قد كنت فرحا جدا. لقد ساعدتني كثيرا حصص التفريغ في إبعاد وطرد الكثير من مشاعر الخوف و الإكتئاب و غيرها من المشاعر السلبية و التي كانت نتيجة لبعض الظروف و منذ الصغر كما أكسبتني مناعة نفسية جعلتني لا أهتز ولا أرضخ لأي مشاعر سلبية. لقد أصبحت قوي. كما سعدتني حصص الرقية في التحكم في الأفكار (التهلويس) وعدلت فيا طاقة yin/yang و زادتني ثقة في النفس. اليوم ذهبت تلك الشخصية المضطربة و المكتئبة و حلت مكانها شخصيتي القوية، القادرة على النجاح و الواثقة. لقد إنطلقت في الحياة متجاوزا كل الظروف غير مهتم إلا بالأهداف التي سأحققها بإذن الله. مدربتي العزيزة، هذه شهادة مني في حقك و أقل ما يمكن أن أقدمه إليك، أشكرك جدا واتمنى لكي دوام الصحة والعافية.

الحياة جميلة قام بكتابة:
كوتش ملاك ' اشماشي نقلك الحقيقة عندي احساس و الا مشاعر اعجز عن التعبير عنها . نحب نشكرك و قد ما نشكر و شويا. بعد جلسات العلاج بالطاقة او جلسات الكوتشيق نحس روحي بانسانة جديدة نضيفة قوية بدنيا و عقلانيا . معاك عرفتي روحي اش نحب و ولوين انا ماشية. وليت نحدد اولوياتي و ليت نقول لا هذا اي و هذا لا . و معا هذا الكل و الاهم الى انا عرفتك كوتش فرحانة برشا بمعرفتك . نحبك ❤

ملكة (صفاقس) قام بكتابة:
بديت رحلة المرافقة والعلاج في نوفمبر 2020، وصلت لحالة صعيبة برشا لدرجة إني يئست ووصلت لحالة إكتئاب، كنت مقصرة مع روحي ومانيش فاهمتها .. حسّيت بالمسؤولية وقرّرت إنّي نلتجئ للمساعدة .. حسّيت إلي آنا نحب نجرّب معاك، برغم ما كنتش بعيدة عليا، كنت مترددة لمدة طويلة إنّي نجيك، ماشي في بالي إلي آنا نجّم نلقى حلولي وحدي، كيف حال برشا عباد، والحمد لله، ربي بعثك ليّا في الوقت المناسب ⁦⁦❤ بديت معاك من نوفمبر 2020 لمارس 2021، كانت بداية رحلة تعرفي على ذاتي، وعاوِنْتني فيها إنّي نِفهمها ونفهم مشاعري أكثر .. علَّمتني تقنيّات بديت نشوف في تأثيرهم، خاصة التأمل .. في سبتمبر 2021، حسّيت إلي آنا مستحقة مساعدة وتوجيه لتغييرات صاروا فيّا وفي حياتي، رجَعْتلك بش تكمّل ترافقني وتوجّهني وتنصحني في مختلف جوانب حياتي، وزدت اكتشفت معاك روعة عالم الطاقة، إلي كان نقطة تحوّل بالنسبة ليّا .. العلاج بالطاقة والكوتشينج والمرافقة النفسية وتطبيق التّقنيات إلي تنصحني بيهم .. نشوف في تأثيرهم ونتائجهم الهايلة في حياتي إلى الآن ومازلت 🙏 وجود شخص يحب يعاون من قلبو، يفهمك ويوجهك في مختلف مراحل حياتك، بتحدياتها وصعوباتها، هي نعمة كبيرة من عند ربي ⁦❤ نحب نشكرك من كل قلبي ونحمد ربي ديما على وجودك في حياتي ⁦🙏⁦❤ الرحلة محلاها معاك 🥰 ومازالت متواصلة بإذن الله، مدرّبتي العزيزة ⁦❤

م. تونس قام بكتابة:
بعد عام صعيب برشا فقت فيه انسان عزيز عليا، دخلت في مرحلة dépression. زدت في الميزان من68 كلغ وليت 86كلغ . وجهي تعبالي ب les tâches. كانت صدفة محلاه تعرفت على mme malek sur fcb. وقتها أول مرة الحق نسمع ب coaching de vie. بعثت ليها message لقيتها حكيمة برشا. من أول م بديت les séance حسيت بتحسن كبير نفسي وجسدي. تنظمت برشا... و هذا سبب خلاني نقص في الميزان في شهر presque وليت 76 كلغ. أي أنا بيدي مصدقتش . ليوم أنا بفضل mme Malek تحسنت برشا وصلت الميزان الي حاجتي بيه، وجهي تحسن .و زدت حاجات في حياتي أنا بيدي عمري مكنت نتصور روحي بهذي المهارة و نحققهم. شكرا mme malek خاتر أنت خرجتني من قاع البير.

نور ساري قام بكتابة:
حبيت نحكي تجربتي مع مدربتي ملاك كانت تجربة ومغامرة في نفس الوقت لأني أخذت نفس جديد في الحياة تغيرت نظرتي السلبية الي الإيجابي تحكمت في أفكاري وبرمجتي كل شيء تغير في وقت وجيز والله ربي سخرلي مدربتي ملاك لتتغير حياتي كلها وربي شاهد علي مااقول وهاذي شهادة من عندي اعتز بها واعترف بها مدي الحياة الحمد الله ربي نورلي طريق وخرجت من ظلمة الي نور وأصبحت أسيطر علي افكاري سلبية واسير نفسي الي الايجابي دائما حتي المقربين مني لاحظوا هذا تغير خاصة زوجي وانا سعيدة بهذه التجربة وبهذه البرمجة الايجابية وهذا المرجع الجديد في الحياة ولك كل الشكر والتقدير على مجهودك معلمتي ملاك ومازال المشوار معك بإذن الله .

فاطمة قام بكتابة:
الف الف شكر اختي وصديقتي ملاك وكم انا سعيدة لزيارتي لك رغم اني كنت اتابعك منذ اكثر من سنة ولكن لم يتسر لي زيارتك لاننا لا نتذكر انفسنا الا عند فوات الاوان . كنت اعاني منذ مدة من ارتفاع ضغط الدم وبقيت ابحث عن بديل طبيعي دون اللجوء للادوية الكيميائية وقررت ان اجرب العلاج بالطاقة وفعلا اتصلت بالاخت ملاك العبيدي التي قدمت لي العلاج وبعض النصائح فشعرت بتحسن كبير رغم انها الحصة الاولى .شكرا مرة اخرى اختي العزيزة ملاك وانشالله ربي يباركلك ويوفقك في

بسمة قام بكتابة:
كنت أشكو من حالة ارهاق بدني و نفسي (burnout) و من كثرة الضغوطات و المسؤوليات العائلية و المهنية. اتتيت لمقابلتك ابحث عن مرافقة نفسية و عن حلول او طريقة تخرجني من المرض و الاوجاع و الاضطراب النفسي. و بفضل الله و بفضل دروسك التي تلقيتها مباشرة منك او عن بعد ، تمكنت من تحسن كبير في ظرف وجيز ، و من الاستقرار النفسي و الهدوء ، من السيطرة على التوتر و الإكتئاب و الانفعالات . و تخلصت من عادات سلبية مثل الشكوى و الأحكام . تعلمت تقنيات و طرق عملية تمكنني من التركيز على الحاضر فمارست تمارين التامل يوميا و سأضل اواضب على ممارسته. فهمت كيف اتصالح مع ذاتي و اكون اكثر إيجابية. بالتركيز و الاهتمام بما ينفعني و ينفع غيري. الر جانبىذلك تلقيت حصتي علاج بالطاقة لعلاج الام الظهر و الرقبة واضطرابات النوم . فكانت النتيجة رائعة حيث نقصت الاوجاع في فترة وجيزة و اصبحت اتمتع بنوم جيد من اول مرة جربت العلاج بالطاقة: guérison pranique . شكرا على كل ما قدمته من فائدة.

السيد محمد امين قام بكتابة:
شئ ممتاز او بالاحرى تقنية ممتازة قد تمكنك من التواصل مع ذاتك و اكتشاف ماهيتك